Ndodhi ashtu siç qe shkruar ditë më parë. Shtatzënia e Çiljetës i çuditi pothuajse të gjithë. Duke mos ditur pjesën e parë të historisë, pati shumë prej lexuesve që madje nuk e besuan atë.
Fotografia që shoqëronte lajmin, duke qenë e shkëputur nga një film që Çiljeta realizoi një vit më parë, ku shfaqej shtatzënë, i ngatërroi akoma më shumë, duke menduar se po flisnim akoma për rolin dhe po bënim thjesht një lojë fjalësh për të krijuar një ekuivok.
Për të gjithë skeptikët e lajmit, si dhe për kënaqësinë e të gjithë atyre që pëlqejnë Çiljetën, ajo ka shpalosur në gazetën “Panorama” një rrëfim për këtë moment të rëndësishëm në jetën e saj, që ajo e quan njëkohësisht edhe më të bukurin.
I dashuri i saj i ri me të cilin pret fëmijën quhet Tomas.
Subscribe to email feed
